Lucas 24:21″Maibe ami hanoin katak Nia mak ema ne’ebe atu hola fali israel”
William Miller ho nia maluk fiar-na’in sira sala iha aspetu balu kona-ba sira nia interpretasaun no komprensaun kona-ba Bíblia. Loos duni, Jesus la fila fali ba mundu iha loron 22 fulan-Outubru tinan 1844, ka iha inísiu dékada 1840 nian.
Pergunta ne’ebé presiza husu maka, “Maromak bele lidera movimentu ida ne’ebé dezanima hanesan ne’e?”
Ita bele hetan resposta neʼebé diʼak liu iha Testamentu Foun. Iha ne’ebá ita haree dixípulu sira interpreta sala beibeik Kristu nia liafuan sira kona-ba Ninia kruzifikasaun iha futuru no natureza Ninia reinu nian. Depois de Nia moris hias mak sira komesa komprende saida mak Jesus hakarak hanorin ba sira. Maibé tanba sira la iha tilun atu rona, sira tenke hetan deziluzaun boot neʼebé halo nakdoko fundasaun sira-nia konfiansa iha Maromak nia lideransa. Presiza estudu no komprensaun liután molok sira bele komprende saida maka akontese ba sira.
Situasaun maka Maromak hili atu serbisu liuhosi ema sira iha planu salvasaun nian. Entaun, maski situasaun nian nian maka lidera hosi Maromak, hamutuk ho elementu divinu, ida-ne’e kontein nafatin elementu umanu ida. No buat hotu ne’ebé maka relasaun ho ema, ne’e kontaminadu ho erru. Nune’e maka istória naruk Maromak nian ne’ebé tenta atu serbisu iha ema no liuhosi ema sira iha istória tomak.
Espesifikamente liu kona-ba Millerismu, ema ida bele husu de’it, tanba Miller fiar katak abertura hosi profesia sira hosi livru ki’ik Daniel nian, ne’ebé hateten iha Apokalipse 10, parese kumpre iha nia tempu, tansá nia la lee restu hosi kapítulu. Katak, se nia fiar katak livru ne’e loke ona no ninia mensajen midar ba ibun, tansá nia la nota katak ida-ne’e sei moruk ba estómagu (versíkulu 10) no katak movimentu seluk sei mosu hosi ruin moruk nian, ida ho mensajen mundiál ba “nasaun, povu, lian no liurai barak” (versíkulu 11). Miller nia lójika rasik lori nia atu haree katak Maromak prevee ona deziluzaun moruk, hanesan Jezús prevee ona deziluzaun ba Ninia dixípulu sira.
Dala ida tan, se Miller bele reklama katak nia hato’o anju dahuluk nia mensajen (Apokalipse 14:6, 7), no nia seguidor barak fiar katak sira hato’o anju daruak nia mensajen (versíkulu 8), tanba saida maka sira la fó énfaze loloos ba anju datoluk nia mensajen (versíkulu 9-12)? Sira na’in tolu ne’e neineik lori ba Kristu nia Vinda Daruak, ne’ebé deskreve iha versíkulu 14-20.
Maromak hili atu uza ema ne’ebé la perfeitu iha Ninia misaun iha rai, no ema nia sala halo buat triste sira akontese. Notísia di’ak maka Nia kontinua serbisu hamutuk ho ita maski ita iha frakeza sira. Tanba ida-neʼe ita bele hahiʼi Nia.
