Salmo 34:5 “Ha’u buka Na’i, no nia hatán mai ha’u”
Bates nia aman ema ida ne’ebé fiel ba religiaun no koko maka’as atu nia oan-mane sai ema espirituál, maibé la hetan rezultadu. Maibé, iha tinan 1807, laloran ida hosi resureisaun Daruak nian book tebes José ne’ebe sei jovem ne’e. Infelizmente, nia interese la dura, tanba nia kareira iha tasi desvia nia moris.
Maibé, tasi iha dalan ida atu fila mariñeiru nia matan ba Maromak, liuliu bainhira sira sa’e ró ki’ik ida ne’ebé halo ho ai. Hanesan Bates hatete ikusmai, laiha buat ida iha tasi ne’ebé maka’as maibé “ai-kabelak ida nia mahar ne’ebé haketak ita hosi eternidade.” Baihira Hasoru ho lakon ai-kabelak ida hanesan ne’e, Bates hakerek kona-ba nia luta sira uluk liu ho relijiaun. Iha anin-boot loron haat nia leet ne’ebé haruka laloran aas hanesan ró nia mastru, kapitaun joven, ho dezesperu, halo buat rua—soe besi tonelada 40 ba tasi no foti pasu ne’ebé antes ne’e ladún akontese hodi husu ba nia koziñeiru atu halo orasaun.
Laos kozineiru mesak mak halo orasaun. Bates nia feen, Prudy, mós halo orasaun. Aleinde ne’e, fiar katak nia la’en lori livru novel no romanse barak liu iha nia viajen, Prudy lori Testamentu Foun no livru Kristaun sira seluk iha nia mala. Liuhusi livru sira-ne’e, Espíritu Santu halo Ninia serbisu tuir nia intensaun. Lakleur, Bates lakon interese atu lee de’it ba divertimentu no hahú han livru sira hanesan Philip Doddridge nia Rise and Progress of Religion in the Soul. Kapitaun ho tinan 32 sai espirituál liután, maibé nia mós preokupa katak nia ofisiál sira no soldadu sira bele hatene no goza nia.
Pontu mudansa ida mosu bainhira mariñeiru ida naran Christopher, ninia elementu ida, mate. Nu’udar kapitaun, Bates tenke tau matan ba prosisaun funerál. Maibé, nia sente la merese.
Hafoin halo nia di’ak liu, loron haat hafoin funeral, nia entrega nia moris ba Maromak no “promete ba Maromak katak ha’u sei serbí Nia iha ha’u nia moris tomak.”
Signifikadu husi Christopher nia hakoi la’ós de’it afeta Bates—nia uza eventu ne’e hodi mobiliza nia ró nia tripulasaun, no iha Domingu tuirmai nia haklaken sermón ida kona-ba moris rohan-laek.
Bates hanoin hikas nia konversaun hanesan deskoberta “pérola ida ho folin boot, ho folin liu fali ha’u nia ró bele lori.”
Ninia hakarak úniku, nia hatete, “mak ha’u bele hanorin [ema seluk] dalan moris no salvasaun nian.”
No hanorin nia sei. Misaun ne’e domina nia moris tomak.
Ami serbí Maromak kbiit boot ida ne’ebé bele muda ami nia moris, no ami nia oan sira nia moris
