Marcos 9:24 “Nai hau fiar ona, ajuda ba baihira hau la fiar!”
Viajen relijiozu sira la’ós hanesan di’ak ba ema hotu. Ida-ne’e loos liuliu ba sira ne’ebé ho natureza sensivel. No joven Ellen maka ema ida ne’ebé sensivel.
Horisehik nia hetan nia katak “haleu ho tauk” bainhira, sei nu’udar labarik, nia lee ba dala uluk kona-ba Kristu nia fila-fali ne’ebé besik ona. Nia tauk ba Kristu nia mai daruak mai hosi buat oioin. Ida maka sentimentu klean kona-ba laiha folin. “Iha ha’u nia fuan,” nia hakerek, “sentimentu ida katak ha’u sei nunka merese atu hanaran Maromak nia oan… Parese mai ha’u katak ha’u ladún di’ak atu tama iha lalehan” (LS 21).
Ba tinan barak, Ellen luta hasoru ninia taʼuk. Fiar falsu rua halo nia problema sai aat liután. Ida uluk maka nia tenke sai di’ak—ka perfeitu—molok Maromak bele simu nia. Segundu maka se nia hetan duni salvasaun, nia sei hetan ksolok espirituál.
Ninia nakukun emosionál hahú lakon iha bailoron 1841 bainhira nia tuir enkontru akampamentu Metodista nian iha Buxton, Maine. Iha neʼebá, nia rona sermón ida katak forsa no esforsu pesoál hotu la iha folin atu hetan Maromak nia laran-diʼak. Nia realiza katak «hodi tama de’it iha kontaktu ho Jezús liuhusi fiar mak ema sala-na’in ida bele sai Maromak nia oan, nakonu ho esperansa no konfiansa» (Ibid., p. 23).
Husi momentu ne’ebá, nia buka ho laran tomak perdaun ba nia sala sira no buka atu saran an tomak ba Maromak. Tuir mai nia hakerek, “ha’u nia fuan tomak maka, ‘Favor ida, Jezús; salva ha’u, se lae ha’u mate!'” “Derepente,” nia hatete, “ha’u nia todan hasai tiha, no ha’u nia fuan sente kmaan” (Ibid.).
Maibé, nia hanoin, ida-ne’e di’ak liu atu sai loos. Nune’e, nia koko atu reklama fali todan tristeza no kulpa nian ne’ebé sempre akompaña nia. Hanesan nia hatete: “Ha’u hanoin katak ha’u laiha direitu atu sai ksolok no kontente” (Ibid.). Neineik-neineik, nia mai atu komprende maravilha husi Maromak nia grasa redentór nia plenitude.
Maski ho komprensaun foun ida-ne’e, nia kontinua luta ho dúvida tanba nia la sempre iha sentimentu ksolok ne’ebé nia fiar katak nia tenke iha se nia hetan duni salvasaun. Nu’udar rezultadu, nia kontinua tauk katak nia la perfeitu atu hasoru nia Salvadór iha Nia mai.
Ellen nia reasaun hanesan baibain ba ita ka lae? Ita barak susar atu fiar katak Evanjellu ne’e di’ak duni hanesan Maromak reklama. Ikusmai, solusaun la’ós sentimentu sira, maibé lee Maromak nia promesa sira atu hatene saida maka Evanjellu hatete loloos.
Tulun ami, Na’i, ohin iha ami nia fiar-laek.
