João 14:2, 3 “Ha’u nia Aman nia uma iha fatin barak atu hela. Se la’ós nune’e karik, Ha’u sei fo hatene ba imi. Ha’u bá atu prepara fatin ba imi. No se Ha’u bá no prepara fatin ba imi, Ha’u sei fila fali mai no lori imi ba Ha’u nia fatin, nune’e iha fatin ne’ebe Hau hela, imi mós bele hela iha ne’ebá”
Ellen Harmon rona William Miller ba dala uluk iha enkontru iha Portland, Maine, iha Marsu 1840. Bainhira Miller fila fali hodi halao fali enkontru daruak iha Juñu 1842, Ellen partisipa ho kontente.
Nia simu Miller nia mensajen, maibé nafatin labele halakon tauk ne’ebé maka’as katak nia la “di’ak natoon”. Liután neʼe, hanoin kona-ba Maromak fó-terus beibeik ba ema iha infernu halo nia laran-taridu tebes.
Bainhira Ellen iha estadu mentál ida-ne’e, nia inan sujere atu nia konsulta ho Levi Stockman, pastor Metodista ida ne’ebé simu ona Miller nia hanorin sira. Stockman hakalma Ellen nia hanoin sira hodi hateten ba nia “kona-ba Maromak nia domin ba Ninia oan sira ne’ebé sala-na’in, katak ida-ne’e la’ós haksolok iha sira nia destruisaun, maibé Nia hakarak tebes atu dada sira ba Nia an rasik liuhosi sira nia fiar no konfiansa simples. Nia medita kona-ba Kristu nia domin boot no planu redensaun nian.”
“Bá, Ellen,” nia dehan; “Fila ba imi nia uma ho fiar iha Jezús, tanba Nia sei la subar Ninia domin ba ema ne’ebé buka duni.
(1T, p. 30). Konsulta ne’e maka pontu ida ne’ebé maka sai hanesan pontu importante ida iha Ellen Harmon nia moris. Husi tempu neʼebá, nia haree Maromak “hanesan inan-aman neʼebé laran-diʼak no laran-maus, laʼós tan nuʼudar ema neʼebé laran-makerek neʼebé obriga ema atu halo tuir ho matan-delek”. Ninia fuan “motiva ba Nia ho domin ne’ebé kle’an no lakan, obediénsia ba Ninia hakarak [agora] mosu nu’udar ksolok, ksolok atu serbí Nia” (LS 39).
Ninia komprensaun foun kona-ba Maromak nuʼudar inan-aman neʼebé hadomi ajuda joven Ellen iha dalan oioin. Ida maka natureza infernu nian, tópiku ida ne’ebé ita sei diskute iha leitura tuirmai.
Ninia hanoin kona-ba Maromak nu’udar inan-aman ne’ebé laran-di’ak mós ajuda nia atu antesipa mai daruak ho entuziazmu ksolok nian. Nia haree katak nia la presiza tauk Ida hanesan ne’e, maibé iha esperansa boot.
No ida-neʼe mak esperansa furak tebes! Iha sékulu 21 ida-ne’e, dala barak liu ita kaer metin iha mundu loroloron nian ne’ebé ita la konsege rekoñese promesa bo’ot sira Kristu nia mai daruak nian.
Buat diʼak hotu neʼebé ita-nia “inan-aman neʼebé hadomi” fó mai ita iha mundu neʼe, ita hatene husi Bíblia katak buat neʼebé atu mai sei sai diʼak liu tan.
Ita tenke agradese ba ita-nia “inan-aman neʼebé hadomi ita”.
