2 Timotiu 3: 16 “Maromak huu sai eskritura hotu no eskritura sira ne’e iha benefisiu hodi hanorin, hatudu sala, koriji no fo treinu iha moris lo’os.”
Problema fundamentál liu ba grupu relijiozu ruma maka autoridade.
Sira ne’ebé hahú movimentu Adventista loron hitu nian klaru tebes kona-ba tópiku ida-ne’e. Hanesan James White hatete iha inísiu tinan 1847, “Bíblia maka revelasaun perfeitu no kompletu. Nia maka regra úniku ba ita-nia fiar no prátika”.
Sabbatarian sira, hanesan ita sei haree tuirmai, dezenvolve sira nia doutrina fiar nian ne’ebé distintivu bazeia ba estudu Bíblia nian. Faktu ne’e la’ós sempre klaru ba sira nia detratór sira. Miles Grant, porezemplu, argumenta iha tinan 1874 iha World’s Crisis (periódiku prinsipál Adventista sira Loron Dahuluk nian) katak “Adventista sira loron hitu nian defende katak santuáriu ne’ebé sei restaura iha loron 1,300 [2,300] nia rohan ne’ebé temi iha Daniel 8:13, 14, iha lalehan, no sei hahú nia restaurasaun iha lalehan A.D. 1844. Se ema ruma husu tansá sira fiar ida-ne’e, resposta maka, informasaun ne’e mai liuhosi Sra. E.G White nia vizaun ida.”
Uriah Smith, editór hosi Seventh-day Adventist Review and Herald, hatán ba akuzasaun ho enfátiku. “Artigu atus ba atus maka hakerek ona kona-ba asuntu [santuáriu nian]. Maibé, laiha artigu ida hosi artigu sira-ne’e maka sita vizaun sira hanesan fonte lejítimu hosi asuntu ida-ne’e, ka hanesan fonte ne’ebé ami nia hanoin sira mai. Laiha pasotr ida maka refere ba vizaun sira hodi hatán ba pergunta ida-ne’e. Konsiderasaun maka sempre Bíblia, ne’ebé fornese evidénsia barak ba ami nia hanoin sira kona-ba asuntu ida-ne’e.”
Smith, tenke nota, halo ona deklarasaun ida ne’ebé bele verifika ka refuta hosi ema ne’ebé hakarak atu profunda fali iha literatura Adventista loron hitu nian. Paul Gordon halo ona ida-ne’e kona-ba asuntu santuáriu nian ho títulu *The Temple* (1844) no *The Pioneers* (1983). Ninia deskobrimentu sira apoia saida maka Smith deskreve.
Faktu kona-ba asuntu ne’e maka enkuantu Adventista barak tuirmai iha tendénsia atu depende ba autoridade Ellen White nian ka tradisaun Adventista, Adventista uluk sira maka povu “Eskritural”. Ohin, Adventista Loron Hitu nian hosi denominasaun hotu-hotu presiza atu nota faktu ne’e bainhira sira buka atu deskobre Adventizmu loloos iha istória. Notísia di’ak maka Maromak fó ona mai ita liafuan moris nian iha Ninia Livru. Ita bele haksolok ohin ho salmista, ne’ebé deklara, “Ita-nia liafuan subar iha ha’u-nia fuan, atu ha’u labele halo sala hasoru Ita” (Salmo 119:11).
