Ebreu 7:25 Tanba ne’e Nia bele salva too kompletu duni sira ne’ebe hakbesik ba Maromak liu husi Nia. Tanba nia sempre moris atu halo Orasaun ba sira.
Crosier hahú hakerek kona-ba santuáriu lalehan nian iha inísiu fulan-Marsu 1845.
Iha loron 7 fulan-Fevereiru tinan 1846, nia aprezenta ninia komprensaun klean liu kona-ba tópiku ne’e iha artigu ida ho títulu “Lei Moisés nian”.
Ita bele rezume konkluzaun sira ne’ebé importante liu hosi “Lei Moisés nian” hanesan tuir mai ne’e: 1). Santuáriu ne’e eziste duni iha lalehan. 2). Israel nia santuáriu maka reprezentasaun vizuál kompletu ida hosi planu salvasaun nian, ne’ebé maka modela tuir santuáriu lalehan nian. 3). Hanesan amlulik sira iha rai iha faze rua serbisu nian iha santuáriu rai-fuik maran nian, nune’e mós Kristu iha faze rua serbisu nian iha santuáriu lalehan nian. Faze dahuluk hahú iha santuáriu iha Ninia ascensaun, no daruak iha loron 22 Outubru 1844, bainhira Kristu muda hosi apartamentu dahuluk santuáriu lalehan nian ba segundu. Nuneʼe, loron atu hamoos sala iha lalehan komesa iha data neʼe. 4). Faze dahuluk Kristu nia serbisu nian trata kona-ba perdaun, enkuantu faze daruak envolve hasai salan sira no hamoos tantu templu no sarani ida-idak. 5). Restaurasaun iha Daniel 8:14 maka purifikasaun ida hosi sala, no ida-ne’e realiza liuhosi raan, la’ós ahi. 6). Períodu tempu ida sei liu entre inísiu Kristu nia serbisu iha apartamentu daruak no Vinda Daruak.
Crosier nia estudu Bíblia nian hatán ona ba pergunta sira kona-ba identidade santuáriu nian no signifikadu sentrál restaurasaun nian. Liután neʼe, estudu neʼe fó sai saida mak akontese iha profesia loron 2.300 nia rohan iha Daniel 8:14 .
Crosier nia hakerek sira la halai sees hosi atensaun hosi sira ne’ebé sei sai líder Adventista sira ne’ebé kumpre Sábadu. Iha inísiu fulan-Maiu tinan 1846, Joseph Bates rekomenda Crosier nia haree kona-ba santuáriu hanesan buat ruma ne’ebé “superiór liu fali buat hotu ne’ebé eziste ohin loron.”
Tinan tuirmai, Ellen White hakerek katak “Na’i hatudu mai ha’u iha vizaun ida, liu tinan ida liubá, katak Irmaun Crosier iha naroman loloos, kona-ba restaurasaun Templu nian, nst.; no katak Ninia vontade maka Irmaun Crosier. hakerek hanoin sira ne’ebé nia fó mai ami iha Day-Star, Extra, 7 Fevereiru 1886” (WL246).
Ita tenke agradese katak Maromak la’ós de’it iha planu ida atu salva Ninia povu hosi sira nia sala, maibé planu ne’e la’o ba nia kompletasaun bainhira Kristu serbí ita-nia naran iha lalehan.
