Ebreu 9:23, 24 Buat ne’ebe kopia de’it husi buat Lalehan nian presija halo moos no regulamentu sira ne’e. maibe buat lalehan nian presija sakrifisiu ne’ebe di’ak liutan. Tanba Kristu la tam aba fatin santu ne’ebe ema halo ho liman, ne’ebe kopia husi buat sira ne’ebe loos. Maibe Nia tama ba Lalehan hodi hamrik iha Maromak nia prezensa tanba ita.
Haree ba importánsia husi Daniel 8:14 nia hanorin kona-ba restaurasaun santuáriu nian iha loron 2,300 nia rohan ba Adventista sira ne’ebé taka, la’ós surpreza katak ita hetan buat barak liu duké de’it Hiram Edson, O.R.L. Crosier, no F.B. Hahn preokupa ho identidade santuáriu nian no ninia restaurasaun, no saida maka akontese iha kumprimentu profesia loron 2,300 nian.
Matenek-na’in sira seluk ne’ebé publika kona-ba tópiku ida-ne’e inklui Emily C. Clemons, ne’ebé edita periódiku gráfiku ida iha tinan 1845 ho títulu Hope Beyond the Veil, no G.W. Peavey, ne’ebé hanorin iha Abril 1845 katak Kristu “taka ona serbisu ne’ebé tipifika hosi serbisu loroloron nian molok loron sanulu fulan hitu nian, no iha loron ne’ebá tama iha Fatin Santu Liu.”
Peavey mós haree relasaun resíproka entre Daniel 8:14, Ebreu 9:23-24, no Levítico 16, no konklui katak Fatin Santu Liu iha santuáriu lalehan nian presiza hamoos ho Kristu nia raan iha Loron Expiasaun nian. Maibé, nia fiar katak restaurasaun ba santuáriu lalehan nian akontese ona iha loron 22 fulan-Outubru tinan 1844, enkuantu Crosier ho nia kolega sira haree expiasaun hanesan prosesu ida ne’ebé seidauk hotu ne’ebé hahú iha data ne’ebá. Crosier nia komprensaun ikusmai hetan aseitasaun hosi Adventista sira ne’ebé bazeia iha Sábadu.
Ellen Harmon nia vizaun sira uluk nian mós kona tópiku santuáriu nian. Iha kedas tinan 1845, nia relata vizaun ida iha ne’ebé, iha inísiu faze daruak Kristu nia serbisu lalehan nian, nia “haree Aman hamriik hosi kadunan, no iha karreta ahi nian tama iha Fatin Santu Liu iha véu laran, no tuur” (EW, p. 55).
Enkuantu nia vizaun aliña ho konkluzaun bíblika sira hosi Crosier no sira seluk, ita tenke hanoin katak iha hanorin Adventista nian iha tempu ne’ebá, nia laiha prominénsia ka autoridade. Nia esensialmente deskoñesidu ba peritu teolójiku prinsipál sira iha diskusaun ne’ebé maka buras iha tempu ne’ebá kona-ba santuáriu. Ba sira, nia hanesan de’it labarik-feto ida ho tinan 17 ne’ebé reklama katak nia iha vizaun ida iha lian konflitu sira hosi Adventista sira ne’ebé taka metin ne’ebé literalmente hakfodak ho ema barak ne’ebé reklama katak sira iha don karismátiku sira.
Obrigado, Aman, ba Ita-boot nia vontade atu orienta ami nia hanoin sira bainhira ami buka koñesimentu kona-ba Ita-boot nia planu boot redensaun nian.
