Apóstulu 18:9 “Keta ta’uk! Koalia ba no keta nonook!”
Maizumenus semana ida hafoin nia vizaun dahuluk, Ellen hetan vizaun daruak, ne’ebé hateten ba nia atu hateten ba Adventista sira seluk saida maka Na’i revela ona ba nia. Vizaun neʼe mós fó-hatene ba nia katak nia sei hasoru opozisaun boot.
Nia la simu knaar ne’e. Oinsa mos, nia hanoin, nia iha saúde ne’ebé ladi’ak, foin tinan 17, no iha karakter moe. Nia esplika tuirmai, “Durante loron balu ha’u halo orasaun atu todan ida-ne’e bele hasai hosi ha’u no fó ba ema ida ne’ebé bele lori ida-ne’e. Maibé naroman responsabilidade ne’e la muda, no anju nia liafuan sira lian nafatin iha ha’u nia tilun, ‘Hatete ba ema seluk saida maka ha’u fó sai ona ba ó'” (LS 69). Nia kontinua hodi hatete katak nia prefere mate duké hala’o knaar ne’ebé iha nia oin. Hafoin Lakon tiha dame midar ne’ebé mai ho nia konversaun, nia hetan fali nia-an iha dezesperu.
La’ós surpreza katak Ellen Harmon sente deziluzaun tanba tenke mosu iha públiku. Oinsa mos, públiku la simu Miller nia maktuir sira, no erru doutrinál sira ne’ebé maka’as no forma oioin fanatizmu nian halerik grupu Millerita hafoin deziluzaun.
Espesifikamente liu, don profesia nian sai pergunta bo’ot iha tinan 1844, tantu entre públiku no entre Adventista Millerite sira. Iha bailoron tinan 1844 haree Joseph Smith nia mate, “profeta” Mormon nian, iha ema lubun ida nia liman iha Illinois, enkuantu iha finál tinan 1844 no inísiu tinan 1845 haree emerjénsia hosi númeru boot ida hosi “profeta” Adventista sira ho karakter kestionável, barak hosi sira ne’e la’o hale’u iha Maine. No iha primavera tinan 1845, Adventista sira Albany nian sei vota hodi deklara katak sira “la fiar iha mensajen sira, vizaun sira, mehi sira, lian sira, milagre sira, prezente estraordináriu sira, revelasaun foun sira”, no seluk tan.
Iha atmosfera hanesan ne’e, la’ós surpreza katak joven Ellen Harmon buka atu evita nia bolun ba serbisu profétiku. Maski nuneʼe, maski nia sente taʼuk, nia sai aten-barani no komesa fahe Maromak nia konsellu neʼebé fó kmaan ba ema Adventista sira neʼebé konfuzaun.
Maski haree ba nia deklarasaun autobiográfika sira iha inísiu hatudu katak nia hasoru fanatizmu no opozisaun pesoál barak. Ninia vizaun sira uluk nian balun trata kona-ba fanatizmu no opozisaun, oferese konsellu no represaun, dala barak ho karakter pesoál.
Ohin, Na’i, tulun ami atu fiel nafatin iha fatin ne’ebé Ita-Boot tau ami, hodi fahe mensajen ne’ebé Ita-Boot haraik mai ami.
