Ézodu 20:8-10 “Hanoin no halo santu loron sabadu. Durante loron ne’en, o bele halo servisu no halao o nia bisnis hotu. Maibe loron ba dala hituk mak loron sabdu ba Na’i”
Adventista loron hitu nian konsidera Joseph Bates nu’udar apóstolu Sábadu nian. Maibé ita tenke husu, oinsá nia deskobre tópiku ida-ne’e?
Resposta ba pergunta ne’e iha razaun liu ida. Ida maka katak hosi nia loron dahuluk sira nu’udar sarani, nia observa Domingu nu’udar loron Sábadu, no to’o iha ne’ebé atu haforsa fiar ida-ne’e ba nia tripulasaun ró nian bainhira nia sai kapitaun.
Segundu, klaru, envolve nia estudu kona-ba profesia. Afinal, estudante Apokalipse ida sei laiha difikuldade atu haree katak iha tempu ikus Maromak nia ukun-fuan sira tenke obedese (haree Apokalipse 12:17; 14:12).
Maibé oinsá maka Bates sai konxiente kona-ba faktu katak Sábadu iha Testamentu Foun maka Sábadu, la’ós Domingu?
Iha ne’e maka fatin ne’ebé Igreja Baptista Loron Hitu nian tama. Grupu ne’e nunka sai grupu evanjelizasaun ne’ebé agresivu. Iha tinan 1840, iha de’it membru 6,000 iha Estadus Unidus. No iha tinan 2000, sira nia númeru tun ba 4,800—diminuisaun pursentu 20 iha membru sira iha tinan 160 nia laran. Klaru katak, evanjelizasaun nunka sai sira nia prioridade.
Maibé, pelumenus iha momentu ida iha sira nia istória, sira sai agresivu. Sesaun Konferénsia Jerál 1841 nian konklui katak Maromak “ezije” evanjelizasaun espesífikamente kona-ba asuntu Sábadu nian. Hafoin, iha tinan 1842, Merlin Burt relata katak denominasaun nia uma-editór “hahú publika tratu lubuk ida ho objetivu atu ‘introdús Sábadu’ ba ‘públiku sarani.'” Dala ida tan, iha sesaun Konferénsia Jerál 1843, sira deside katak ne’e sira nia “dever sériu” atu fó naroman ba sira nia maluk sidadaun sira kona-ba asuntu sira Sábadu loron hitu nian.
Sira-nia esforsu fó rezultadu pozitivu. Iha sira nia enkontru iha tinan 1844, Baptista Loron Hitu nian agradese ba Maromak tanba deskobre katak “interese ida ne’ebé klean liu no luan liu iha asuntu ida-ne’e mosu ona duké uluk iha ita-nia rain.”
Esperiénsia Baptista ida-ne’e hateten mai ita katak lia-loos maka buat di’ak ida. Maibé iha parte seluk, ida-ne’e mós hatudu katak lia-loos mós laiha utilidade se ema tuur de’it no la halo buat ida ho ida-ne’e.
Só depois sira halo desizaun konsiente ida atu husik sira nia naroman nabilan iha asuntu ne’e maka buat sira hahú akontese. Ita presiza nafatin desizaun hanesan ne’e atu nabilan ohin loron.
