Atake sira Israel nian no sira nia impaktu iha Médiu Oriente
Konflitu foin lalais ne’e entre Israel no Iraun iha Médiu Oriente hamosu espekulasaun kona-ba kumprimentu hosi Profesia Bíblika sira Funu Mundiál nian.
Iha loron 30 fulan-Jullu, Israel halo atake ida ho alvu ba edifísiu apartamentu ida iha Beirute, Líbanu. Atake ne’e halo Fuad Shukr mate, líder superiór ida hosi Hezbollah, grupu ne’ebé hetan apoiu hosi Iraun no konsidera nu’udar organizasaun terorista.
Insidente ne’e halo klean liután tensaun sira ne’ebé aas ona entre Israel no Iraun, ne’ebé ema balun konsidera hanesan sinál ida katak Profesia Bíblika Funu Mundiál nian bele besik liután ba realidade. Aleinde ida-ne’e, kuaze iha tempu hanesan, Ismail Haniyeh, líder polítiku Hamas nian, hetan mós mate iha Teeraun, Iraun.
Maski seidauk iha deklarasaun ofisiál hosi Israel, ema barak fiar katak Israel envolve iha akontesimentu ne’e. Tanba ida-ne’e, Iraun promete atu vinga.
Eventu Importante no Reasaun Internasionál sira iha Konflitu Médiu Oriente
Hahú hosi Outubru tinan kotuk, Hamas lansa ona atake boot sira hasoru Israel. Atake ne’e hamate ema liu rihun ida, ne’ebé maioria vítima sira mak ema sivíl. Aleinde ida-ne’e, Hamas mós lori ema atus rua resin nu’udar dadur.
Izraél mós oho ema rihun 40 resin iha Faixa Gaza, ne’ebé hanesan fortaleza Hamas nian, hamosu preokupasaun sira katak situasaun ne’e lori ba kumprimentu hosi Profesia Bíblika hosi Funu Mundiál.
Observadór balu fiar katak hodi oho Haniyeh, Israel hatudu katak nia la preokupa ho dame. Tanba ida-ne’e, preokupasaun sira mosu katak tensaun ida-ne’e bele hamosu Profesia Bíblika kona-ba Funu Mundiál. Nu’udar parte boot ida hosi Profesia sira Bíblia nian kona-ba Funu Mundiál, situasaun iha Médiu Oriente kontinua atrai atensaun mundiál.
Hanesan Haniyeh nia substitutu, Hamas nomeia Yahya Sinwar, ne’ebé koñesidu hanesan mestre iha atentadu terorista iha loron 7 Outubru. Adisionalmente, tensaun sira iha Médiu Oriente kontinua aumenta, no ema barak atribui ida-ne’e ba akontesimentu sira ne’ebé maka fó-hatene nanis iha Bíblia nia profesia.
Tensaun sira ne’ebé aumenta iha Médiu Oriente: Dame sei posivel nafatin?
Tensaun aas ne’ebé kontinua entre Israel no Iraun la’ós de’it hamosu preokupasaun entre polítiku sira no líder mundiál sira, maibé mós hamosu espekulasaun kona-ba posibilidade funu globál nian.” Tensaun sira iha Médiu Oriente manas daudaun, hodi hamosu espekulasaun sira kona-ba posibilidade eskalasaun ida ba konflitu ida ne’ebé luan liu.
Ba sira ne’ebé maka komprende Profesia sira Funu Mundiál nian iha kontestu Bíbliku, situasaun ida-ne’e konsidera hanesan parte ida hosi sinál sira tempu nian ne’ebé maka prevee ona iha tempu uluk.
Karik situasaun ida-ne’e kontinua sai aat liután, nu’udar rezultadu, konflitu ida-ne’e provavelmente sei dezenvolve ba buat ida ne’ebé maka sériu liután. Nasaun aliadu sira hanesan Estadus Unidus no Inglaterra provavelmente sei hamriik iha Israel nia sorin. Entretantu, Xina, Rúsia no Koreia-Norte bele iha Iraun nia sorin. Konflitu ida-ne’e bele sai hanesan gatilho ba funu mundiál datoluk?
Tanba ne’e, iha inserteza globál nia leet hanesan ne’e, bele mosu senáriu oioin.
Vizaun Teolójika no Kumprimentu husi Profesia sira iha Bíblia Kona-ba Izraél
Sarani barak maka tau atensaun maka’as ba dezenvolvimentu sira iha Israel. Ida-neʼe tanba sira fiar katak akontesimentu balu tenke akontese atu kumpre Bíblia nia profesia.
Sira fiar katak ema Judeu sira presiza atu reklama foho templu nian ne’ebé agora daudaun okupa hosi meskita ida. Depois neʼe, sira mós fiar katak templu neʼe presiza harii fali iha Jeruzalein.
Maibé, interpretasaun ida-ne’e la hetan apoiu tomak hosi Eskritura. Iha kontraste, Eskritura fornese komprensaun ida ne’ebé diferente kona-ba kumprimentu profesia nian.
Jesus no Ninia Sakrifísiu: Adorasaun Templu nia rohan iha Jeruzalén
“Bainhira ema hedi Jesus iha krús, ‘tél templu nian nakfera husi leten toʼo kraik.’ Ida-neʼe marka sistema adorasaun iha templu nia rohan nuʼudar ligasaun entre ema no Maromak (Mateus 27:51; Marcos 15:38; Lucas 23:45). Hodi sakrifika Nia-An, Jezús sai ‘Maromak nia Bibi-Oan ne’ebé hasai mundu nia sala’ (João 1:29). Ninia sakrifísiu kumpre buat ne’ebé maka sai hanesan sombra de’it iha rituál sira uluk nian (Koloso 2:16; Ebreu 10:10).”
Jesus mós fó sai katak adorasaun loos la liga ona ho fatin ruma. Nia nataa naꞌak, “Imi fiar Haꞌu, loron sei toꞌo mai wainhira imi sei la adora tan Aman iha foho neꞌe ka iha Yerusalem.” (João 4:21). Liafuan neʼe hatudu katak adorasaun neʼebé Maromak simu la depende ona ba templu nia fatin.
Bainhira Jesus sai hosi templu ba dala ikus, Nia dehan ba ulun boot Judeu sira: “Imi nia uma sei mamuk hela.” (Mateus 23:38). Deklarasaun ida-ne’e indika katak fatin adorasaun nian la’ós ona sentru ba relasaun umanidade nian ho Maromak, no ida-ne’e subliña liután relevánsia hosi Profesia Bíblia Funu Mundiál nian.
Foku sala iha perspetiva sarani modernu sira kona-ba Israel
Muda foku ba eventu fíziku sira ne’ebé akontese iha Israel bele sai sala ida ba sarani sira. Hori uluk kedas, Maromak nia planu sempre hakat liu baliza fíziku Israel nian.
Apóstolu Paulo iha Roma 9:6 hateten: “La’ós ema hotu ne’ebé mai hosi Israel maka Israel.” Deklarasaun ida-ne’e sujere katak sai Maromak nia povu la depende ba liña raan maibé depende ba relasaun espirituál ne’ebé loos ho Maromak.
Jesus konfirma ida-ne’e iha João 4:24. Nia hatete: “Maromak mak Espíritu, no ema hotu neʼebé adora Nia tenke adora Nia iha espíritu no lia-loos.”
Tanba ne’e, ema sira ne’ebé sai duni Maromak nia povu mak sira ne’ebé adora Nia ho lia-loos, la’ós de’it tanba sira-nia jerasaun ka lokalizasaun jeográfika.
Konflitu Espirituál iha Funu Fíziku entre Israel no Palestina nia kotuk
Harii filafali templu iha Jeruzalén no hamoris fali rituál tuan sira la’ós parte ida husi Maromak nia planu loloos ba ema Israel sira. Iha Médiu Oriente, konflitu ida-ne’e sai hanesan símbolu ida ba funu ida ne’ebé boot liu no klean liu.
Maromak hakarak salvasaun ba ema hotu, tantu ema Judeu no ema la’ós Judeu. Tuir Maromak, see mak bolu Nia naran ho fiar sei hetan maksoin. Ida-neʼe temi iha 1 Korinto 10:1, 12, 13.”
Maski ita labele hatene ho serteza saida mak sei akontese iha mundu polítiku nian, Bíblia hanorin katak konflitu sira neʼebé akontese entre nasaun sira mak reflesaun deʼit kona-ba funu neʼebé boot liu no kleʼan liu neʼebé laʼo daudauk.
Apokalipse 12:7-12 deskreve funu iha lalehan entre Miguel ho ninia anju sira hasoru samea no ninia anju sira. Hafoin diabu soe tun ba rai, nia kontinua nia luta iha ne’e ho hirus maka’as. Ida-neʼe tanba nia hatene katak ninia tempu badak ona.
Konflitu ne’e la’ós de’it konflitu fíziku maibé mós funu espirituál ne’ebé determina destinu ba ema ida-idak iha mundu ne’e.
Ita hotu tenke hili atu hamriik iha Kristu nia sorin, ne’ebé hadomi ita no fó Nia-An nu’udar sakrifísiu ba ita (Efesu 5:2), ka iha Satanás nia sorin, ne’ebé Bíblia bolu nu’udar “asasínu no bosok-teen” (João 8: 44).
Armagedon: Funu ba Tempu Ikus Tuir Bíblia
Funu Armagedon, hanesan deskreve iha Apokalipse 16:16 , dala barak asosiadu ho fatin fíziku ida iha Izraél. Maibé, Bíblia deskreve ida-neʼe nuʼudar funu espirituál no mundu tomak. Profesia Bíblia Funu Mundiál nian fornese kontestu luan liu ba funu ida-ne’e, liuliu tanba tensaun sira ne’ebé la’o hela iha Médiu Oriente subliña liután relevánsia hosi profesia ida-ne’e.
Hateten katak “Demoniu sira nia espíritu sira halo sinál sira, no bá hasoru liurai sira rai nian no mundu tomak nian, atu halibur sira ba funu iha loron boot Maromak Kbiit-Na’in nian.” (Apokalipse 16:14).
Ikusmai, sira ne’ebé “halo tuir Maromak nia ukun-fuan sira no fiar iha Jezús”. ( Apokalipse 14:12 ) sei manán iha funu espirituál neʼe. Jesus, ne’ebé hanaran ‘LIURAI LIURAI SIRA NO NA’I NA’I SIRA’ (Apokalipse 19:16), sei lori sira ba vitória.
Tanba ne’e, Armagedon la’ós de’it funu fíziku maibé mós funu espirituál ne’ebé determina destinu umanidade nian.
Konkluzaun: Ita-boot iha parte ida-ne’ebé?
Bainhira haree ba situasaun globál atuál, ema barak husu se Profesia Bíblika kona-ba Funu Mundiál besik ona ba realidade. Tensaun sira entre Israel ho Iraun hamosu ona espekulasaun barak kona-ba saida maka bele akontese tuirmai.
Ba sira ne’ebé maka komprende Profesia Bíblika sira Funu Mundiál nian iha kontestu Bíbliku, situasaun ida-ne’e konsidera hanesan sinál tempu nian ne’ebé maka prevee kleur ona. Bíblia nia profesia hatete katak akontesimentu hanesan neʼe bele sai sinál kona-ba tempu nia rohan.
Médiu Oriente nia papél iha Funu Mundiál nia Profesia Bíblika sira labele ignora, liuliu iha kontestu konflitu globál ne’ebé la’o hela. Tanba ne’e, papél ida ne’e tenke tau nafatin ho sériu.
Iha kontestu jeopolítiku no espirituál, papél Médiu Oriente nian sempre sai sentru atensaun nian, liuliu iha relasaun ho profesia Bíblia nian. Nu’udar ita-nia mundu kontinua hasoru konflitu no inserteza, ita hasoru ho opsaun espirituál ida ne’ebé importante liu.
Ita sei hamriik iha Kristu nia sorin, ne’ebé lori naroman no domin, ka ita sei dada ba nakukun ne’ebé oferese hosi Satanás?
Hili ida-ne’e la’ós de’it determina ita-nia destinu iha mundu ida-ne’e, maibé mós iha moris aban-bainrua nian. Mai ita hili ho matenek no ho laran-metin kaer metin ita-nia fiar iha Jezús Kristu, Liurai liurai sira-nian.
Atu bele komprende ameasa ne’ebé aprezenta hosi Profesia Bíblika Funu Mundiál nian, importante atu kontinua monitoriza dezenvolvimentu sira iha Médiu Oriente.
(**Artigu ida-ne’e publika iha https://akhirzaman.org/nubuatan-alkitab-perang-dunia-israel-iran/
