“Feto-ran ida … sei kous oan mane ida, no ema sei hanaran Nia Imanuel”—katak, “Maromak ho ita.” Mathes 1:23, N.I.V.
“Naroman sabedoria nian husi Maromak nia Gloria” hatudu “iha Jezus Kristu nia futar oin”. hahu kedas husi tempu rohan laek Jezus Cristu hamutuk ona ho Aman; Nia mak Maromak nia Imajen”, Figura husi Aman nia grandeza no majestade, “Roman Nabilan husi Aman nia gloria”. Nia mai iha ita nia mundu ida nee Atu manifesta Gloria nee mai ita. Nia mai iha mundu nebe nakukun ona ho pecadu, atu hatudu naroman husi domin Maromak nian – atu bele sai “Maromak hamutuk ho ita”. Tamba profesia hakerek nanis ona kona ba Nia: “Ema sei hanaran Nia Imanuel”.
Husi Nia presensa nebe hela hamutuk ho ita, Atu Jesus hatudu Maromak ba Ema no ba anjo sira. Hori uluk kedas Nia mak Maromak nia lifuan – liu husi Nia ita bele rona saida mak Maromak hakarak ba mundu. Iha Ninia orasaun ba disiplu sira, Nia harihan nunee: “Hau fo deklara ona Ita boot(Aman) Nia naran ba sira” – “nakonu ho laran luak no grasa, pasiensia naruk no abundante iha laran diak no lia loos” – “atu ho domin ne’ebé Ita haraik ona mai Hau bele hela mos iha sira, no Hau iha sira.”
Maibe Revelasaun nee laos hatudu deit ba ema sira ne’ebé moris iha mundu nee. Ita nia mundu kiik ida nee mak livru lisaun ida ba universu tomak. Maromak Nia objetivu furaak husi grasa Maraviloza ne’e, misteriu husi domin redensaun nian, mak topiku ne’ebé, “anju sira hakarak hare,” no ida nee mak sei sai sira nia estudu ne’ebé nunka remata ka rohan laek… tantu kriatura sira ne’ebé hetan ona redensaun no kriatura sira ne’ebé lamonu ba pecadu sira hotu sei deskobre sira nia siensia no sira nia knanauk iha kristu nia kruz. Sei hare hetan katak Gloria ne’ebé nabilan iha kristu Nia futar oin maka Gloria sakrifika a’an no domin nian. husi roman kalvariu nee sei bele haree katak ukunfuan domin abnegasaun mak ukunfuan moris nian ba mundu ho lalehan; katak domin nebe “la buka diak ba nia a’an rasik” domin ida nee fonte husi Nai nia laran; no Ida nee maka laran kmaus no haraiik aan hatudu karakter husi Nia ne’ebé hatronu A’an iha naroman Gloria nian ne’ebé laiha ema ida mak bele besik ba….
Ita hare Maromak iha Jezus nia A’an. Bahira ita Hare ba Jesus mak ita hare Gloria Maromak nian ne’ebé Nia fo ona ba ita. Jesus dehan; “Hau labele halo buat ruma husi Hau A’an rasik,” “Aman ne’ebe moris haruka ona Hau Mai, no Hau moris husi Aman.” “Hau la buka Gloria ba Hau nia A’an rasik,” Maibe Gloria ba Nia ne’ebé Haruka ona Hau mai (Joaun 8:28; 6:57; Joaun 8:50; 7:18). Iha lia fuan sira nee forma prinsipiu boot ida ne’ebé mak nudar lei moris nian ba universu tomak. Buat hotu Kristu simu husi Maromak, maibe nia foti ona hodi fo. Nune’e iha tribunal lalehan nian, liu husi Ninia ministeriu nebe atu serve ba kritura moris hotu: Liu husi Oan Mane ne’ebé Nia Hadomi, mak Aman nia moris suli ba hotu-hotu; liu husi Oan Mane ita hetan hikas Moris nee, husi louvor no serbisu ne’ebé fo ksolok, laloran domin nian ida, ba fontes boot husi buat hotu. Ho nunee, liu husi mediasaun kristu nian, halo serie vertude sira sai kompletu, reprejenta karakter husi Doador boot, lei moris nian. —The Desire of Ages, 19-21.
