Igreja Adventista iha rejiaun Southern Asia-Pacific (SSD) ofisialmente lansa ona Kolleita 2025 (Harvest 2025), inisiativa evanjelizasaun ida iha divizaun tomak hodi apoia movimentu Envolvimentu Membru Totál Globál (TMI) Igreja Mundiál Adventista nian. Kampaña boot ida-ne’e husu ba membru igreja ida-idak iha nasaun sanulu-resin-ida iha teritóriu SSD nian atu fahe mensajen esperansa no salvasaun nian iha kampu misaun ida ne’ebé dezafiante liu iha mundu.
Komponente sentrál ida hosi inisiativa maka programa formasaun formadór nian ho parte tolu, ne’ebé sei hala’o hosi loron 20 to’o 29 Janeiru 2025. Dezeña atu ekipa líder rejionál sira, formasaun ida-ne’e sei hala’o iha fatin estratéjiku tolu: Filipina, Indo-Xina rejiaun, no Indonézia. Pastor Arnel Gabin, vise-prezidente ba NDR-IEL husi SSD, espresa nia entuziazmu kona-ba kampaña, hodi hatete, “Kolleita 2025 maka testamentu ida ba kbiit unidade no kolaborasaun nian hodi avansa Maromak nia serbisu. Hodi fó liman ba malu iha ami nia divizaun, ami bele alkansa ema barak ho mensajen salvasaun nian, maski iha área sira ne’ebé dezafiante liu.”
Preparasaun ba kampaña hahú iha inísiu Janeiru 2025, bainhira líder sira no pastor sira igreja nian mobiliza atu asegura susesu hosi enkontru simultáneu sira no série evanjelizasaun nian. Rekoñese diversidade boot hosi kultura no tradisaun fiar nian iha rejiaun laran, SSD dezeña ona planu komprensivu ida ne’ebé hale’u tinan tomak, envolve nivel hotu-hotu hosi igreja—husi membru sira iha baze to’o líder divizaun sira.
Planu Komprensivu ida ba Evanjelizasaun
Kolleita 2025 (Harvest 2025) estruturadu iha faze lima ne’ebé distintu atu asegura impaktu másimu:
- fulan-Marsu to’o fulan-Marsu: Preparasaun ba Rai
Durante fulan sira-ne’e, esforsu sira foka ba preparasaun sidade urbana sira, organizasaun sira, no instituisaun sira ba kampaña. Líder lokál sira no voluntáriu sira hala’o atividade divulgasaun preliminár sira, hodi tau baze ba implementasaun boot hosi programa evanjelizasaun sira.
- Abril to’o Maiu: Evanjelizasaun Igreja Lokál
Igreja nia katuas sira, líder sira, no evanjelista leigu sira sei lidera kampaña evanjelizasaun sira iha sira nia komunidade ida-idak, hodi haburas espíritu envolvimentu no propriedade entre membru igreja sira.
- Juñu to’o Jullu: Kampaña sira ba Pastór Distritál no Igreja nian
Pastor sira distritál no igreja nian sei hala’o kampaña sira kolleita nian ne’ebé foka, hodi harii baze sira ne’ebé estabelese ona iha fulan hirak liubá. Enkontru organizadu sira-neʼe iha objetivu atu lori ema neʼebé iha interese atu deside atu tuir Kristu.
- Agostu to’o Setembru: Evanjelizasaun Organizasionál
Ofisiál sira SSD nian, líder sindikatu sira, no reprezentante institusionál sira—inklui sira ne’ebé mai hosi kuidadu saúde, edukasaun, no ministériu publikasaun nian—sei sai hanesan sentru iha enkontru evanjelizasaun sira. Faze ida-ne’e hatudu kompromisu unifikadu hosi divizaun ba evanjelizasaun no aproveita rekursu institusionál sira hodi apoia kampaña.
- Outubru to’o Novembru: Kampaña Kolleita iha Territóriu Tomak
Ofisiál sira konferénsia no misaun nian, hamutuk ho diretór sira no pesoál apoiu nian, sei hala’o kampaña kolleita simultáneu sira iha teritóriu tomak. Faze ida-ne’e sei iha mós programa evanjelizasaun online ida iha Filipina tomak hodi alkansa audiénsia dijitál sira.
- Dezembru: Selebrasaun no Rekoñesimentu
Esforsu tinan ida nian sei kulmina iha eventu selebrasaun sira iha distritu no área sira, hodi simu membru sira ne’ebé foin hetan batizmu no rekoñese kontribuisaun sira hosi traballadór sira no membru igreja sira. Selebrasaun sira sei inklui serimónia sira kompromisu nian ba membru foun sira no oferta espesiál sira ba projetu sira konstrusaun igreja nian.
Xamada ida ba Asaun
Enkuantu Kolleita 2025 (Harvest 2025 ) la’o, Prezidente SSD Pastor Roger Caderma oferese mensajen enkorajadora ida ba membru sira hotu: “Ida-ne’e maka tempu ba ita atu halibur hamutuk nu’udar igreja ida de’it, unidu iha objetivu no misaun. Mai ita sai administradór fiel sira evanjellu nian, hodi fahe Maromak nia domin ho urjénsia no kompaixaun. Hamutuk, ita bele halo impaktu ida ne’ebé dura ba eternidade, lori klamar barak tebes ba krús nia ain. Ha’u konvida membru ida-idak atu hamutuk ho ami iha serbisu sagradu ida-ne’e bainhira ami esperiénsia ksolok husi kolleita no bensaun sira husi servisu.
Divizaun Ázia-Pasífiku Súl nian iha nafatin kompromisu atu apoia Igreja Mundiál Adventista nia misaun globál liuhosi esforsu evanjelizasaun koordenadu sira. Ho Maromak nia orientasaun no dedikasaun husi Ninia povu, Kolleita 2025 (Harvest 2025) promete atu sai tinan ida transformasaun espirituál no esperansa nian ba teritóriu SSD nian. (** Edward Rodriguez cc Eppy Manu.
(*Vizita mós link : https://harvest/adventist.asia
