Ita hare Jezus, n’ebé hatun Ninia a’an inferior oitoan husi anju sira atu sofre ba mate, hetan koroa Gloria nian no hónra; Tamba Grasa Maromak nian Nia tenke mate ba salvasaun ema nian. Hebrews 2:9. Horik uluk kedas Maromak kria ema mo’os no santu. Maibé diabu lori sira ba lia bosok, lohi nia sai husi ninia prinsipiu no halo a’at ba nia hanoin, nakfilak nia hanoin ba diresaun nebe sala. Nia objetivu mak atu halo mundu ne’e tomak sai a’at.
Kristu hare katak ema nia moris nakonu ho tauk ba mate, no nia desidi ona atu salva Ema liu husi sakrifika Ninia a’an. Atu Nia bele halo kompletu Ninia objetivu domin ba rasa nebe monu ona, Nia sai ruin hanesan ita nia ruin no isin hanesan ita nia isin. “hanesan oan sira hola parte iha isin no raan, nune mos Nia a’an rasik holaparte iha isin nebe hanesan; atu liu husi mate Nia bele destroi Ida ne’ebe ukun iha mate, nee mak, demoniu; no liberta sira ne’ebé tauk ba mate no iha sira nia moris tomak nudar atan ba sala ….
Tamba nee iha kondisaun hotu nia tenke sai hanesan Nia maun alin sira, nunee Nia bele sai saserdote boot ne’ebé nakonu ho laran sadia no fiel iha buat hotu ne’ebé partense ba Maromak nian, atu hadame ema nia pekadu liu husi sakrifisiu espiatoriu. Tamba Nia rasik mos sofre ba tentasaun, nunee Nia bele tulun sira ne’ebé hetan tentasaun.” Liu husi mediante Espiritu santu nian, prinsipiu foun ida husi forsa mental no Espiritual lori ba iha ema, nebe, liu husi uniaun ho divindade, saida deit ho Maromak. Kristu, salvador no Restaurador, tenke santifika no purifika ema nia hanoin, halo nee sai kbiit ida ne’ebé sei dada hanoin sira seluk ba iha Nia. Ida nee mak Nia objetivu, hodi tane aas no hasantu, halo ema sai nobre no dignifika ema. Nia hakarak atu Ninia Oan sira atu hatudu Ninia karakter, atu exerse Nia influensia, atu bele dada hanoin sira seluk bele ba harmonia ho Ninia hanoin… Cristu bele halo ida nee, tamba Nia hasai dook ona ita nia sala. Nia la hadook ita maibe, Nia mai no hela iha ita nia le’et, hakonu ita ho ninia divindade, atu sai ida deit ho ita, atu liu husi Nia grasa ita bele alkansa ba perfeisaun. Liu husi mate ida ne’ebé nakonu ho moe no terus, mak Nia selu tusan husi ita nia sala. Husi fatin a’as liu husi gloria lalehan nian Nia mai, Ninia divindade hafalun iha isin humanu ida, tu’un mai husi pasu ba pasu to’o iha klaean liu iha okos ne’ebé laiha onra. La iha sasukat ida maka bele sukat klean husi Ninia domin ne’ebé Nia offerese ba mundu….
hakfodak tebes katak sira ne’ebé rekoñese a’an nudar kristaun la bele intende kona ba fontes Divinu, katak sira la hare ho klaru ba kruz hanesan mediante perdaun nian , instrumentu ida ne’ebé lori laran sira ne’ebé foti aan no egoismu ba konekta direta ho Espiritu Santu, nune’e rikusoin kristu nian bele enche iha ema nia hanoin, no agensia humana sei hetan dekorasaun ho grasa Espiritu nian, atu Kristu bele hetan hahi husi ema sira ne’ebé sedauk konñese Nia.—The Signs of the Times, 24 September 1902.
