SABBATH SCHOOL DEPARTMENT
TIMOR-LESTE MISSION
Lisaun 7
Fundamentu Bazíku ba Profésia
* 10-16 de Maiu 2025
Sábadu Lokraik
Lee ba Estuda Semana Ida-ne’e nian: Isa 6:6-8; Jen 3:21-24; Ezek 1:4-14; Apok 4:1-11; Num 2:3-25; Isa 14:12-14
Testu Memória: No ha’u rona Nai-nia lian, dehan, “Ha’u bele haruka se? No se mak bele ba?”Depois ha’u hatete, “Ha’u mak ne’e, haruka ha’u ba!” __ (Isaias 6:8, Bíblia Kadi)
Maromak-nia direitu atu ukun universal bazeia ba Ninia pozisaun nu’udar Kriadór ba buat hotu (Apok. 4:11) no mós ba Ninia karakter. Hodi deskobre Maromak nia karakter justu maka ita hahú komprende oinsá no tansá ema sala-na’in sira lakon Maromak nia glória (Rom. 3:23).
Iha semana ida-ne’e, ita hakat liután ba vizaun sala tronu nian no konsidera oinsá rasa umana relasiona ho Maromak santu ida no oinsá Kristu nia sakrifísiu restaura ita no lori ita besik ba tronu. Maromak planu atu restaura ita, la’ós de’it nu’udar ema ida-idak maibé mós nu’udar rasa ida, atu nune’e ita uluk hatudu fali Ninia glória ba kriasaun sira seluk. Hodi buka iha Bíblia tomak, ita bele hetan sinál importante sira-neʼebé ajuda ita atu Komprende no hahú apresia bolu aas ne’ebé Maromak fó mai ita, rasa ida hosi ema sala-nain sira-ne’ebé hetan perdua no sosa fali
Ema-nia rebeliun, ikusmai no ba nafatin, sei hotu. No, liu fali ida-ne’e, Maromak-nia karakter domin nian, Ninia sakrifika nega an (Penyangkalan diri) no Sakrifika an rasik, sei nabilan liután duké iha Ninia dezeñu orijinál ba umanidade. Maski Maromak nunka iha intensaun atu umanidade monu, liuhosi Krús, Maromak nia karakter domin nian hatudu ona iha maneira ne’ebé notável
*Estuda lisaun semana ida-ne’e nian hodi prepara ba loron Sábadu, 17 de Maiu
*11 de Maiu
Domingu
Ha’u mak Ne’e, Haruka Ha’u ba
Tinan hirak liubá, igreja ida deside atu hadi’a garajen ida ne’ebé antigu ona hodi kria salaun foun ida. Buat ida ne’ebé sira halo uluk maka instala naroman foun sira, fiar katak sira sei halo fatin ne’e sai furak liután. Bainhira sira instala ona, maibé, espasu ne’e haree aat liután, tanba naroman sira ne’ebé nabilan iha maneira ida atu hatudu defeitu sira.
Isaías nia vizaun furak kona-ba Maromak nia kadunan halo nia hatene didiʼak kona-ba ninia sala sira. “Susar ba ha’u,” nia lamenta, “Ha’u lakon! Tanba ha’u ema ida ho ibun fo’er, no ha’u moris iha povu ida ho ibun fo’er nia leet, maibé ha’u nia matan haree ona Liurai, ne’ebé maka Na’i tropa sira nian” (Isaías 6:5). Ita sei sente hanesan ne’e se ita hetan lori derepente ba Maromak nia prezensa. Naroman ne’e nabilan tebes atu hamoos ami nia deskulpa sira hotu. Iha Maromak nia oin, ita sente katak ita lakon. Isaias hetan xoke ida iha nia moris tomak
Lee Isaías 6:6-8. Isaías hatene katak sala signifika katak ita “la iha ona”. Sala nia kolen mak mate. Maibé envezde husik ita ba konsekuénsia sira sala nian, Maromak domin nian ida dada ita besik liután. Saida maka Rezultadu husi reuniaun neʼe, no tanbasá mak ida-neʼe importante?
____________________________
Isaías hetan limpeza husi ninia sala bainhira serafim ida foti ahi-suar husi altár no kona ninia ibun . Karik ida-ne’e maka altár insensu nian, iha-ne’ebé intersesaun halo hosi no ba Maromak-nia povu (haree Apok. 8:3, 4). Nia sala sira hetan perdua, no agora nia konsidera di’ak atu hamriik iha Maromak-nia prezensa—maibé, liu fali ida-ne’e, nia mós hetan knaar atu reprezenta Maromak ba mundu.
Interesante tebes, liafuan “serafim” signifika “ida-ne’ebé lakan”. Haree ba Jezús-nia deskrisaun kona-ba João Batista-nia serbisu iha João 5:35—“ João mak ahi oan ne’ebé lakan no nabilan. No imi kontente atu haksolok to;o tempu uitoan iha ninia naroman ”. Maski, klaru, João rasik maka ema sala-nain ida-ne’ebé presiza grasa no salvasaun, nia serbisu hatudu ba ida-ne’ebé bele lori grasa no salvasaun.
Jezús mai nu’udar reprezentasaun perfeitu husi Aman nia glória nian—no Maromak haruka profeta ida, ema sala-nain, ne’ebé hala’o knaar hanesan serafin ida lalehan nian.
Só depois Isaías hatene katak nia sala hamoos ona, nia hatete, “ ‘Ha’u mak ne’e! Haruka ha’u ba’ ” (Isa. 6:8). Oinsá ita ida-idak, ita-nia sala sira ne’ebé hamoos ona ho Jezús-nia raan, bele hatan hanesan Isaías halo iha ne’e?
Segunda
Kerubín rua
Lakleur depois ita-nia inan-aman dahuluk sira hetan espulsaun hosi Jardim, Maromak oferese esperansa kona-ba Mesias (Jénezis 3:15). Depois Nia kria símbolu ida ne’ebé maka’as iha odamatan Eden nian: kerubín rua ho naroman ne’ebé nabilan entre sira. Ita labele haluha katak senáriu ida-ne’e hanesan tebes ho arka aliansa nian, símbolu Maromak nia kadunan (Jénezis 25:18)
Lee Gênesis 3:21-24. Kerubín sira simu knaar saida—no tanbasá?
____________________________
____________________________
Enkuantu kerubín sira hetan duni responsabilidade atu prevene ema sala-na’in sira atu asesu ba ai-hun moris nian (Jénezis 3:22), sira mós sai símbolu esperansa nian, promesa ida, katak loron ida umanidade sei hetan fali Paraízu. “Jardim Eden hela iha rai ida-ne’e kleur hafoin ema soe tiha hosi nia dalan ksolok nian. Ema sala-na’in sira hetan lisensa kleur atu hateke ba sira nia uma molok halo sala, nia odamatan sira taka de’it hosi anju sira. Iha odamatan sira Paraízu nian ne’ebé anju sira guarda, glória Divina nian revela. Iha fatin ida-ne’e maka Adão no nia oan-mane sira mai atu jura fali sira nia Maromak. atu obedese ba lei ne’ebé sira nia transgresaun kontra lori sira ba ezíliu hosi Eden… Maibé iha restaurasaun finál, bainhira sei iha ‘lalehan foun no rai foun’ (Apokalipse 21:1), entaun jardín sei restaura fali iha estadu ida ne’ebé gloriozu liu duké bainhira nia hahú” Ellen G. White, Patriarchs and Prophets, p. 60.
Liafuan sira iha Gênesis 3:24 mós interesante: Bíblia hatudu katak Maromak “tau” kerubín sira iha Eden nia parte leste, no original Liafuan ebraiku ne’ebé uza maka shakan, liafuan abut ba “tabernákulu” sagradu (haree Êx. 25:9, Núm. 3:26), iha ne’ebé Maromak nia prezensa hela iha Ninia povu. Maski termu komún Shekinah, ba Maromak nia prezensa, la mosu iha Bíblia, ida-ne’e mós bazeia ba liafuan ida-ne’e ne’ebé dala barak tradús nu’udar “tabernákulu”. Tradusaun literál ida ba shakan bele lee, “Maromak tau kerubín sira iha parte leste hosi Jardín Eden nian.”
Iha Bíblia, kerubín sira asosiadu ho Maromak nia prezensa (haree 1 Crón. 13:6, Sal. 80:1, no Isa. 37:16), liuliu ho Ninia tronu, ne’ebé maka fatin iha-ne’ebé Nia naran haklaken. Ita labele lakon atu nota katak katuas na’in 24 ne’ebé tuir Maromak nia kadunan iha Apokalipse 4 no 5 hananu Ninia hahi’i sira no deklara Ninia direitu atu ukun nu’udar Ida ne’ebé kria buat hotu (Apokalipse 4:11). Ida-ne’e bele ajuda ita atu komprende senáriu sala tronu nian no ita-nia papél nu’udar ema sala-nain ne’ebé hetan perdua iha relasaun ho ita-nia Kriadór.
Tersa
Hanesan Ahi klak ne’ebé mak lakan
Kerubín sira, tantu hanesan kriatura moris sira (Eze 10:8) ou símbolu osan-mean sira (Éx 25:18), mosu iha Testamentu Tuan tomak. Dala barak sira hatudu hamriik iha Maromak nia kadunan nia sorin, hodi fó sai Ninia glória ba universu. Kerubín sira mós bordadu iha kortina iha Fatin Santu Liu nia oin (Éx 26:1). Iha livru Salmo sira, Maromak nia kbiit aas liu kriasaun nian deskreve ho poétika hanesan Maromak ne’ebé semo iha anin leten iha kerubín sira leten (Salmo 18:11). Maromak haruka atu taka arka aliansa nian ho kerubín rua ne’ebé halo hosi osan-mean ne’ebé moos no sira nia liras nakloke ba malu (Éx 25:18-20)
Lee Ezequiel 1:4–14. Saida maka hanesan ita boot haree entre pasajen ida-ne’e no senáriu sira ne’ebé deskreve iha Isaías 6:1–6 no Apokalipse 4:1-11?
_____________________________
_____________________________
Ezequiel hetan aprezentasaun ho espresaun impresionante ida kona-ba Maromak nia kbiit. Ida-ne’e maka senáriu ida ne’ebé konfuzaun atu hahú, ne’ebé koresponde ho situasaun ne’ebé Maromak nia ema sira hetan sira-nia an moris ho iha momentu ne’ebá: povu hilin la’ós iha rai promesa nian maibé iha dadur Babilónia nian. Hanesan Ezequiel estuda senáriu ne’ebé tau iha nia oin, nia hateke ba leten no haree Maromak nia kadunan iha buat hotu nia leten. Haree notisia ne’ebé hanesan importante sira ho vizaun sira seluk kona-ba “tronu”. Kriatura moris sira ne’ebé Ezequiel haree iha oin hanesan ho kriatura moris sira iha João nia vizaun: leaun, agila, karau, no ema
Kriatura misteriozu sira ho oin haat la temi espesifikamente iha Ezequiel nia deskrisaun inisiál; depois, iha senáriu sala tronu nian seluk (haree Ezek. 10:1–21), sira hanaran “kerubín sira”, no ita mós hetan ahi-suar sira hosi Isaías nia vizaun kona-ba serafim sira. Sira fahe oin hanesan ho kriatura moris sira ne’ebé temi iha João nia vizaun
Bainhira de’it ita haree Maromak nia kadunan—karik iha arka aliansa típiku, ne’ebé sai hanesan Maromak nia enkontru ho Moisés (Éxodo. 25:22), ka profeta sira-nia vizaun neʼebé furak tebes—kerubín sira sempre iha neʼebá. Sira iha ligasaun metin ho Maromak nia kadunan. Maromak nia kriatura hotu-hotu dezeña atu reflete Ninia glória—karik ita ko’alia kona-ba rasa umana ne’ebé kria tuir Ninia ilas ka anju sira ne’ebé tau kedas iha Ninia kadunan gloriozu nia sorin.
Santu, santu, santu mak Na’i Maromak kbiit-na’in. Oinsá ita-boot sukat iha kontraste ho santidade ne’ebé Ezequiel sasin iha ne’e? Saida maka ita-boot nia resposta hateten ba ita-boot kona-ba ita-boot nia nesesidade ba evanjellu?
Kuarta
Maromak iha Ninia Povu-nia leet
Tuir Maromak nia prezensa iha kalohan, ema Israel sira sei para iha sira nia viajen ba Rai Prometidu, harii tabernákulu, no depois suku sira harii sira nia akampamentu hale’u nia—suku tolu iha sorin ida-idak. Maromak nia Prezensa sei tun ba Fatin Santu Liu Hotu no hela iha Ninia povu nia leet.
Iha suku ida ne’ebé maka domina iha tabernákulu nia sorin haat ida-idak. Tuir Númeru 2, suku dominante haat neʼe mak sé?
Numeru 2:3 (Leste):___________________
Numeru 2:10 (Soul):__________________
Numeru 2:18 (Oeste):________________
Numeru 2:25 (Norte):______________
Haree katak suku dominante ida-idak hasa’e nia “padraun” rasik, ka bandeira espesiál, hodi hatudu sé maka sira. Enkuantu Eskritura sira la esplísitu hodi deskreve saida maka iha bandeira ida-idak, iha tradisaun interesante ida—ne’ebé bazeia ladún ba karakterístika tribál sira ne’ebé deskreve iha Gênesis 49 no Deuteronômio 33—ne’ebé atribui oin ida hosi oin haat ba pontu haat kompas ida-idak.
“Tuir tradisaun rabínika, estandarte Judá nian iha figura leaun nian, ida Ruben nian iha figura mane nian ka ema ida nia ulun, ida Efraim hanesan karau ida, no Dan nian hanesan manu-makikit; atu nune’e kriatura moris haat ne’e hamutuk iha forma kerubín sira ne’ebé deskreve hosi Ezequiel hetan reprezentasaun tuir padraun haat neʼe.”—Carl Friedrich Keil and Franz Delitzsch, Commentary on the Old Testament, (Peabody, MA: Hendrickson, 2011), vol 1, p. 660
Bele lee barak liu iha tradisaun, klaru, maibé interesante nafatin atu kompara tradisaun antigu ida-ne’e ho Bíblia nia deskrisaun kona-ba Jeruzalén Foun. Padraun interesante ida mosu: iha portaun sira ne’ebé reprezenta suku tolu iha sidade nia sorin haat hotu (Apok. 21:12, 13)
Deskrisaun sira kona-ba kampu Israel no Jeruzalén Foun subliña faktu krusiál ida: Maromak hakarak dada umanidade besik ba Ninia tronu. Livru Apokalipse hanorin ita katak “Nai Maromak kbiit maka’as no Bibi Oan mak sidade nia Templu” (Apok. 21:22, Bíblia Kadi)
Klaru, ami la hela iha akampamentu Israel nian. Maibé oinsá ita bele, iha ita-nia moris rasik agora, hakbesik ba Maromak nia prezensa?
Kinta
Lucifer-nia monu
Parese inkomprensivel katak Lucifer uluk kaer pozisaun atu taka kerubín, okupa pozisaun aas ida iha tronu nia sorin Maromak. Konserteza nia ezisténsia sei ajuda revela Maromak nia glória ba universu. Maibé, nia hahú hanoin kona-ba ninia glória rasik, laʼós glória husi nia Kriadór; ka, atu sai loloos liu, nia hahú imajina katak nia la hetan deferénsia ne’ebé devidu ba nia
Lee Ezequiel 28:11–17 no Isaías 14:12–14. Saida maka lori ba Lucifer nia monu? Kompara pasajen sira-ne’e ho Apokalipse 14:1-12. Oinsá maka kontraste entre Lucifer nia monu no umanidade nia pozisaun aas iha Kristu informa ita-boot nia komprensaun kona-ba saida maka akontese iha Apokalipse 14?
_______________________
_______________________
Notisia oinsá Lucifer hasai hosi foho santu, enkuantu redensaun hamriik iha foho Sion ho Maromak nia Bibi-Oan. Lucifer maka dehan katak iha Eden; rasa umana mós uluk iha ne’ebá, maibé iha
kontraste ho Satanás nia destinu, umanidade hetan restaurasaun ba Paraízu liuhosi Kristu. (Haree Apok 22:1-3.).
Iha kontestu ida-ne’e, sitasaun tuirmai hosi Ellen G. White maka instrutivu tebes: “Lalehan sei manán, tanba vaga sira ne’ebé halo iha lalehan tanba Satanás no nia anju sira nia monu sei prenxe hosi Na’i nia redensaun sira.”-Advent Review and Sabbath Herald, May 29, 1900
No sira iha ne’ebá, iha lalehan, tanba de’it evanjellu. Tuir loloos, tema evanjellu nian, redensaun nian, hetan iha modu gráfiku iha sala tronu nian iha Apokalipse 4 no 5. Porezemplu, anju sira hakilar: “ ‘ “Ita-boot merese atu foti livru no loke nia selo sira, tanba ema oho ita-boot, no ho ita-boot nia raan ita-boot sosa ba Maromak, ema sira husi suku no lian hotu-hotu, povu no nasaun hotu-hotu” ’ ” (Apokalipse 5:9). Imajen ida ne’ebé maka evanjellu: Jezús nia mate ba redensaun umanidade nian!
Haree mós, oinsá linguajen reflete anju dahuluk nia mensajen, iha neʼebé ita simu bolu atu haklaken “evanjellu rohan-laek nian … ba sira neʼebé hela iha rai—ba nasaun, suku, lian no povu hotu-hotu” (Apok. 14:6). Reprezentasaun ida ne’ebé maka’as tebes kona-ba plenitude husi saida Kristu halo ona ba mundu. Laiha ema ida iha mundu tomak istória ne’ebé Kristu la mate ba sé. Ema ida-idak presiza de’it atu aprende kona-ba ida-ne’e no hili atu simu ida-ne’e.
Papel saida maka ita iha nu’udar igreja, no nu’udar ema ida-idak, hodi fó hatene ba ema sira kona-ba saida maka Kristu halo ona ba sira?
Sexta
Hanoin liután: Lee Ellen G. White, “The Controversy Ended,” pp. 669-671,676-678, in The Great Controversy
Satanás, uluk hanesan kerubín ne’ebé taka, buka atu halakon konfiansa iha Maromak nia kadunan. Maromak husik ona anju sira ne’ebé monu atu kontinua iha sira nia rebeliun hodi hatudu ba universu profundidade aat nian ne’ebé mai hosi auto-exaltasaun—no enkuantu Satanás konsege lohi rasa umana hodi hamutuk ho nia funu hasoru Maromak, Kristu halakon nia iha krús, hodi asegura fatin ida ba umanidade iha ne’ebé anju monu sira uluk hamriik. Ema sala-na’in sira, iha Kristu, publikamente kontra Lucifer nia reklamasaun sira. Senáriu ikus maka, iha dalan balu, revelasaun ida ne’ebé boot liu kona-ba Maromak nia laran-di’ak no domin duké ida ne’ebé eziste antes Lucifer nia monu. Maski Maromak nunka ordena ida-ne’e buat aat tenke eziste, no ida-ne’e maka trajédia ida ho konsekuénsia rohan-laek, bainhira buat hotu hotu ona, Maromak nia laran-di’ak no domin sei hatudu iha dalan sira ne’ebé sira nunka sei hatudu
Kristu “haree ba sira ne’ebé hetan libertasaun, hafoun iha Ninia imajen rasik, fuan ida-idak lori impresaun perfeita divinu nian, oin ida-idak reflete hanesan sira nia Liurai. Nia haree iha sira rezultadu husi serbisu maka’as husi Nia klamar, no Nia satisfeitu. Depois, ho lian ida ne’ebé to’o ba ema lubun ne’ebé halibur hamutuk hosi ema loos no ema aat sira, Nia deklara, ‘Haree ba sosa Ha’u nia raan! Tanba sira-ne’e ha’u terus, tanba sira-ne’e ha’u mate, atu sira bele hela iha Ha’u nia prezensa iha tempu rohan-laek sira.’ No knananuk hahi’i nian sa’e hosi sira ne’ebé hatais roupa mutin hale’u tronu: ‘Bibi-Oan ne’ebé oho ona merese atu simu kbiit, no rikusoin, no matenek, no forsa, no onra, no glória, no bensaun,’ Revelasaun: 25.”—Ellen G. White, The Great Controversy, p. 671
Pergunta ba Diskusaun:
- Imajina hamriik iha Maromak nia oin ho defeitu hotu-hotu, defeitu karakter hotu-hotu, hahalok sala hotu-hotu, hanoin sala hotu-hotu, motivu sala hotu-hotu
- Hanesan ita haree ona, João Batista hala’o papél hanesan serafim ida— ahi-oan ne’ebé lakan no nabilan. (Haree João 5:35.) Nia maka, klaru, prekursór ba Kristu, ne’ebé fó sai Mesias nia aparénsia dahuluk. Oinsá maka Maromak nia povu iha loron ikus sira iha papél profétiku ne’ebé hanesan?
