“Ha’u maka uvas-hun no imi maka sanak sira. Sé mak hela iha Ha’u no Ha’u iha nia, nia sei fó fuan barak, basá la ho Ha’u imi labele halo buat ida” (João 15:5).
Kontinua ligadu—Kondisaun Vital ida atu fó fuan.
João 15:4-8. Iha versíkulu haat, Jesus repete “Hela iha Ha’u” dala tolu, Iha kultura ebraiku, buat hotu ne’ebé repete dala tolu maka importante tebes, esensiál Jesus fo Nia liafuan katak se ita hela metin iha Nia, saida deit mak ita husu, sei hetan. Laiha ambiguidade; ida-ne’e maka garantia susesu pursentu 100.
La’ós abilidade sira ne’ebé ita-boot iha agora, ka ne’ebé ita-boot sei iha, maka sei lori susesu ba ita-boot. Ida-ne’e maka saida maka Maromak bele halo ba ita-boot. Ita presiza iha fiar menus liu iha saida maka ema bele halo, no fiar barak liu iha saida maka Maromak bele halo ba ema ida-idak ne’ebé fiar.”
Ellen G. White, Servisu Kristaun, p. 262
Orasaun mak segredu ida husi kbiit espirituál nian iha-ne’ebé orasaun liga ita ho forsa nia hun, orasaun mós fó asesu ba lalehan ba Maromak ne’ebé prontu atu rona no ho kbiit ne’ebé laiha limite. Orasaun mós hanesan arma neʼebé forte liu hasoru Satanás nia atake sira
Ha’u dehan ba imi: Se imi na’in rua iha rai ne’e konkorda atu husu buat ruma, sira nia pedidu sei hetan husi Ha’u Aman iha lalehan. Basá, iha nebé ema na’in rua ka tolu halibur hamutuk hodi Ha’u Naran, Ha’u iha sira leet.” Mateus 18:19-20. Entaun la’ós… “Se ema na’in 200 ka 300 konkorda atu husu” maibé “Se ema na’in 2 ka na’in 3 husu” ba buat ruma ne’ebé konkorda ona, iha unidade. No la’ós “ha’u bele halo ida-ne’e” maibé klaru tebes katak “ha’u sei halo ida-ne’e”.
“La halo buat ida la’ós opsaun ida. Ita tenke reza no serbisu, no Allah sei fó mai ita rezultadu sira ne’ebé Nia promete ona.” Maromak bolu ita atu kontinua hela iha Nia, no atu sai rohan-laek, la naksobu no la’o hamutuk. hela iha Nia, no imi tenke konvida Nia loroloron atu hela iha imi. Ne’e maka ita-boot nia fonte úniku ba forsa loloos no ita-boot nia salvasaun. Enkuantu ita-boot iha ligasaun ho Maromak, Satanás laiha kbiit ba ita-boot. Kristu iha ita-boot no ita-boot iha Nia maka dalan úniku ba kreximentu no susesu..
