METINARO. Adventist.tl || Misaun Timor Leste hala’o viajen akampamentu ho membru kongregasaun hotu-hotu Akampamentu ne’e hala’o iha Sentru Formasaun Adventista (ATC) Metinaro, lokalizasaun sentru formasaun ne’ebé pertense ba Misaun Timor Leste. (02/08/2024)
Atividade akampamentu ne’e hetan partisipasaun husi kongregasaun sira iha nasaun Timor Leste,
Emosaun husi eventu ne’e bele sente husi envolvimentu no antusiasmu husi membru kongregasaun sira ne’ebé marka prezensa, kalkula membru kongregasaun liu 400 ne’ebé namkari iha nasaun Timor Leste mak involve iha atividade ida ne’e.
Mídia nia monitorizasaun husi loron dahuluk to’o notísia ne’e fó sai, antisipasaun husi membru kongregasaun sira bele sente, ida ne’e bele haree ho sira nia entuziazmu ne’ebé aas hodi hola parte iha atividade hotu ne’ebé iha.
Membru kongregasaun ne’ebé envolve iha atividade akampamentu ne’e mai husi Same, Beto, Fomento, Gleno, Uma-Tolu, Baucau, Lospalos, Atauro, Lalenu, Wetali, Vila-Nova, Beto, Viqueque, Tali Belanda, no mós bainaka sira seluk.
Tipu atividade oioin hetan iha klase ida-idak ne’ebé fahe, inklui atividade estuda Bíblia no mós dezenvolve potensiál pesoál liuhosi domíniu media no teknolojia ba joven sira igreja nian.
Atividade ne’e sei hala’o iha loron 31 Jullu – 02 to’o 02 Agostu 2023.
Hein katak atividade ida ne’e sei fó entuziazmu foun no lealdade ba Maromak iha auto-dezenvolvimentu membru igreja nian.
Wainhira hasoru malu husi media, partisipante akampamentu ida, Felis (22), hateten katak nia sente hetan bensaun no kontente tanba bele hola parte iha atividade ida ne’e. “Ha’u gosta tebes hola parte iha atividade sira hanesan ne’e,” nia hatete
Nia kontinua, hodi revela katak iha atividade sira hanesan ne’e sei fó oportunidade ba ema hotu atu kontinua sai bensaun ba membru sira seluk iha kongregasaun no mós atu haburas sira nia fiar iha lealdade ba Maromak. (**red
