Lisaun 8

“Kristu-nia Kbiit Moris-Hias”

 

Sábadu Lokraik

Lee no Estuda Semana Ida-ne’e nian: 1 Kor 15; Luk 24:44-47; Apok 20:5-6; Kol 2:12; 2 Tim 1:12; 1

Tes 4:13-17

Versu Memoria: “No sé Kristu la moris hias ona, entaun ami haklaken saugati de’it, no imi-nia fiar mós saugati de’it. No liu tan ne’e, ami sai sasin falsu kona-ba Maromak, tanba ami fó sasin ona kona-ba.

Maromak katak Nia halo Kristu mosirs hias ona. Tanba Nia la halo Kristu moris hias, sé ema mate la moris hias. Tanba sé ema mate la moris hias karik, entaun Kristu mós la moris hias ona. No sé Kristu la moris hias ona, nune’e imi-nia fiar ne’e saugati de’it, no imi sei hela iha imi-nia sala sira.” (1 Kor 15:14-17_Bíblia Kadi)

Ne’e furak tebes katak, maski iha nia tempu, Paulo tenke hasoru ema sira ne’ebé nega moris-hi’as hosi mate. Afinal, ema iha tempu neʼebá haree saida mak mate halo ba ema nia isin. Sira hatene oinsá mate-isin sai likidu, hafoin maran sai rai-rahun, no depois sai kuaze laiha buat ida. No sira hatene katak ema mate kleur ona, mós. Tuir loloos, maioria ema mate ona kleur liu duké sira moris.

Moris-hi’as husi mate sira iha tempu ne’ebá parese la plausivel liu ba sira duké ba ita agora, pelumenus husi pontu-de-vista umanu. No ida-ne’e tenke sai kestaun ida ne’ebé maka Paulo aborda.

No ida-ne’e mós krusiál. Se Jezús la moris-hi’as, Nia la’ós ida ne’ebé Nia hatete

Nia maka, Krús laiha efeitu, no ita-nia sala sira seidauk selu. Dezesperu maka buat hotu ne’ebé ita sei iha. Maibé ita-nia Na’i moris hi’as ona, sa’e ona ba lalehan, no sei fila fali atu lori ita ba uma!

Iha semana ida ne’e ita sei foka ba 1 Korinto 15 no nia hanorin kona-ba Kristu nia moris-hi’as. Ho influénsia husi vizaun mundiál jentiu sira ne’ebé hale’u, ema balun iha Korintu hatete katak laiha moris-hi’as. Nu’udar resposta, Paulo afirma Kristu nia moris-hi’as nu’udar ita-nia esperansa úniku ba salvasaun.

Estuda lisaun semana ida-ne’e nian hodi prepara ba loron Sábadu, 22 de Agustu.

Domingu * 16 de Agostu

Haklaken Kristu nia Moris-Hias

Paulo hahú 1 Korintu 15 hodi foka ba evanjellu. Nia ko’alia kona-ba evanjellu: (1) ne’ebé nia haklaken ba ema Korintu sira; (2) ne’ebé sira simu; (3) iha ne’ebé sira hamriik; no (4) neʼebé sira hetan salvasaun

(1 Kor. 15:1, 2). Abertura ida-ne’e prepara lee-na’in ba saida maka tuirmai iha kapítulu no hatudu oinsá esensiál Kristu nia moris-hi’as ba ita-nia salvasaun (haree mós Rom. 10:9, 10). Ninia moris-hi’as maka parte ida ne’ebé importante tebes hosi mensajen evanjellu nian ne’ebé nega ida-ne’e kontradiz ema ida nia fiar iha Kristu..

Lee 1 Korinto 15:1-4, Lucas 24:44-47, no Roma 1:1-4. Saida maka pasajen sira-ne’e iha hanesan?

Iha 1 Korinto 15:1-4, ema ida bele hetan rezumu ida kona-ba Paulo nia mensajen. Sé fraze “tuir Eskritura sira” refere ba pasajen partikulár sira Testamentu Tuan nian ka ba Testamentu Tuan tomak la importa.

Jezús-nia mate no moris-hi’as kumpre Maromak-nia promesa sira ne’ebé hetan iha Testamentu Tuan.

Lee 1 Korintu 15:2, 11. Tanba saida maka versíkulu sira-ne’e tau konseitu sira kona-ba fiar no haklaken iha sorin-sorin? Saida maka relasaun entre buat rua ne’e?

Ema hotu ne’ebé haklaken katak Kristu moris hi’as ona tenke fiar uluk katak Ninia moris-hi’as ne’e akontesimentu istóriku ida. Iha kazu ida-ne’e, 1 Korinto 15:5-8 iha papél krítiku iha Testamentu Foun. Pasajen ida-ne’e fornese evidénsia eskritural ne’ebé sólidu katak Kristu haree hosi ema barak hafoin Nia moris-hi’as, barak hosi sira ne’e sei moris iha tempu ne’ebé Paulo hakerek karta (1 Kor. 15:6).

Bazikamente, Paulo hatete, Bá husu ba sira rasik saida maka sira haree. Ne’e maka oinsá nia fiar-an iha realidade Kristu nia moris-hi’as nian.

Ema sira-ne’e maka sasin ocular. Sira maka saida maka Jezús hatete katak sira sei sai, katak, “sasin sira ba buat sira-ne’e” (Lucas 24:48).

Razaun saida maka ita iha atu fiar iha Kristu nia moris-hi’as? No mós, buat seluk saida, sekulár ka sagradu, maka ita fiar maski ita rasik seidauk haree?

Segunda * 17 de Agostu

Kristu Moris-Hias, Ita-nia Esperansa Úniku!

Iha 1 Korinto 15:9–19, Paulo esplika oinsá konsekuénsia sira ne’ebé maka’as no aat tebes bainhira nega Moris-Hi’as. La ho Moris-Hi’as, fiar-na’in sira laiha esperansa iha prezente, liuliu iha futuru.

Lee 1 Korinto 15:9–19. Saida maka ita lakon se Kristu la moris hi’as?

Jeralmente, ema jentiu antigu sira la fiar iha moris-hi’as, liuliu iha mundu Gregu, ho nia fiar iha dualizmu isin-klamar (bainhira mate klamar semo ba fatin ne’ebé de’it maka ema mate nia klamar sira bá). Paulo hahú parágrafu iha 1 Korinto 15:12–19 ho pergunta retórika ida ne’ebé hatudu nia konfuzaun kle’an: “Oinsá? Oinsá maka imi balun bele dehan katak laiha buat ida naran moris-hi’as hosi mate sira?” (1 Kor. 15:12, autór nia tradusaun). Ba Paulo, la fiar iha Moris-Hi’as maka buat ne’ebé labele hanoin, liuliu tanba iha sasin barak tebes (1 Kor. 15:5-8). Maibé aat liután, lahó Resureisaun, sira nia esperansa harii iha bosok ida, no sira sei iha sira nia sala sira.

Nia hatete, tuir loloos, katak se laiha moris-hi’as hosi mate sira, entaun (1) Kristu seidauk moris-hi’as (1 Kor. 15:13, 16); (2) ita-nia haklaken mamuk (1 Kor. 15:14); (3) ita nia fiar mos mamuk (1 Cor. 15:14); (4) ita mak sasin falsu (1 Kor. 15:15); (5) ita-nia fiar la iha folin (1 Kor. 15:17); (6) ita sei iha ita nia salan (1 Cor. 15:17); no, klaru, (7) sira ne’ebé mate ona laiha ona (1 Kor. 15:18).

La ho Moris-Hi’as, tantu haklaken no fiar mamuk (1 Kor. 15:14). Liafuan Gregu neʼebé tradús liafuan “mamuk” mak kenos. Ida nee tradusaun diak, maibe luan liu. Intérprete sira debate se kenos signifika “mamuk” iha sentidu laiha lia-loos (tanba ne’e, “la loos”) ka laiha rezultadu (tanba ne’e, “lahó rezultadu ka efeitu”) ka laiha objetivu (tanba ne’e, “lahó objetivu”, “la iha folin”).

Saida de’it maka signifikadu espesífiku, iha senáriu ida iha ne’ebé moris-hi’as la eziste, fiar reprezenta hanesan inútil, hosi mataios gregu (1 Kor. 15:17). Maski mataios ladún diferente ho kenos, hanoin katak se Jezús la moris, fiar laiha fuan, delusaun ida, tanba ita-nia sala sira seidauk hetan perdua (1 Kor. 15:17). Ita sei sai sasin falsu, bosok no ema lohi ita (1 Kor. 15:15).

Oinsá ema ida bele komprende 1 Korintu 15 se mate sira semo ba lalehan (ka infernu) kedas? Entaun, tanbasá mak komprende katak mate toba-dukur mak hanorin neʼebé importante tebes?

Tersa * 18 de Agostu

Kristu, ai-fuan dahuluk nian

Sé Jezús la moris, espetativa ruma kona-ba futuru sei sai de’it iluzaun (1 Kor. 15:12-19). “Maibé tuir

loloos Kristu moris hias ona husi mate” (1 Kor. 15:20). Ninia moris-hias mak akontesimentu istóriku ida. Nune’e, ita bele iha serteza katak ema hotu ne’ebé mate iha Kristu sei moris hias iha Nia mai (1 Kor. 15:20–23)

Lee 1 Korinto 15:20–23. Hodi dehan katak Jezús mak “ai-fuan dahuluk” neʼe katak sá?

Era aat atuál nia rohan sei marka ho moris-hi’as isin nian hosi sira ne’ebé mate iha Kristu (1 Kor. 15:22, 23; Apok. 20:5, 6). Nu’udar Adão ikus, Kristu sei entrega fali reinu ba Aman hodi lori mundu ida-ne’e nia ukun fila fali ba Nia (1 Kor. 15:25-28). Kristu nia submete ba Maromak (1 Kor. 15:28) tenke komprende iha termu sira oinsá Adão no Kristu reprezenta iha relasaun ba malu. Nu’udar Adão ikus liu iha planu redensaun nian (1 Kor. 15:45), Jezús submete An tomak ba Aman nia hakarak, buat ida ne’ebé Adão dahuluk la konsege halo.

Iha 1 Korinto 15:29–34, Paulo hahú fali nia hanoin kona-ba beik atu nega Kristu nia moris-hi’as. Nia uza ilustrasaun batizmu nian tanba ida-ne’e rasik maka símbolu ida fiar-na’in nia uniaun ho Kristu iha Ninia mate no moris-hi’as (Rom. 6:3, 4; Kol. 2:12); la iha sentidu atu nega realidade Moris-Hi’as nian. Maibé, buat ne’ebé susar atu komprende maka saida maka Paulo hakarak hatete ho espresaun “sarani ba matebian sira” (1 Kor. 15:29).

“Sujestaun oioin maka oferese ona, maibé di’ak liu interpreta espresaun ne’e hanesan refere ba desizaun ema balun nian atu hetan batizmu atu nune’e sira bele hasoru malu fali ho ema ne’ebé sira hadomi ne’ebé mate ona iha tempu moris-hi’as nian. Bele mós katak desizaun atu hetan batizmu ne’e hanesan resposta ida ba moris ezemplár hosi sira ne’ebé mate ona iha Kristu. Kazu ida-ne’e sei refere ba batizmu la’ós tanba ema sira ne’ebé mate ona nia fatin maibé tanba hetan batizmu iha fatin ema mate nian maibé tanba ema ne’ebé mate ona sei hetan batizmu. mate ona.”—Carl P. Cosaert, “1 Corinthians,” Andrews Bible Commentary: New Testament (Berrien Springs, MI: Andrews University Press, 2022), p. 1652.

Segundu, risku mate sei laiha sentidu se laiha moris-hi’as (1 Kor. 15:30-32). Di’ak liu, envezde, atu haksolok ho ksolok sira mundu nian (1 Kor. 15:32). Hanoin fali kona-ba Paulo nia liafuan sira iha 2 Timóteo 1:12. Oinsá nia bele iha serteza kona-ba futuru? Oinsá ita bele?

Kuarta * 19 de Agostu

Isin ne’ebé moris hias

Iha 1 Korinto 15:35–39, Paulo fila ba diskursu badak ida kona-ba isin-lolon ne’ebé moris hi’as. Nia hahú seksaun ida-ne’e hodi husu pergunta rua: “‘Oinsá maka mate sira moris hi’as? No ho isin saida maka sira mai?'” (1 Kor. 15:35). Pergunta sira-ne’e hetan resposta iha 1 Korinto 15:36-49.

Lee 1 Korinto 15:36–41. Oinsá maka pasajen ida-ne’e hatán ba pergunta sira iha 1 Korinto 15:35?

Paulo aplika analojia tolu atu ajuda ninia lee-naʼin sira komprende saida mak akontese iha moris-hiʼas. Analojia dahuluk (1 Kor. 15:36–38) observa katak isin hanesan fini ida ne’ebé tenke mate uluk (ka para atu sai fini) atu nune’e bele sai ai-horis ida ho milagre. Hanorin ne’e klaru: moris-hi’as mak milagre

Maromak nian. Segundu, analojia isin sira nian (1 Kor. 15:39, 40) destaka katak, iha mundu ida-ne’e, Maromak fornese tipu isin oioin ba animál sira no ba ema sira ne’ebé apropriadu ba ambiente atuál. Nune’e mós, ita-nia isin sei apropriadu ba sirkunstánsia foun iha mundu lalehan nian.

Ideia ida-ne’e hakat liután ho analojia datoluk kona-ba isin-lolon gloriozu ida (1 Kor. 15:40, 41), ne’ebé subliña katak glória isin-moris nian boot liu fali isin-lolon ne’ebé mai antes, ita-nia sira ne’ebé monu iha rai. Ideia ida-ne’e mós bele haree liuhosi kontraste haat entre ita-nia isin rai nian iha ne’e no agora, no isin ne’ebé moris hi’as. Ida uluk maka terrestre, perigozu, fraku, no naturál. Iha nia fatin, ida ikus ne’e maka lalehan nian, labele lakon, maka’as, no espirituál (1 Kor. 15:40-44). Ida-ne’e la signifika katak laiha kontinuidade entre sira na’in rua. Paulo nia uza termu gregu sōma (“isin”) ba isin ne’ebé hakoi no isin ne’ebé moris hi’as hatudu kontinuidade. Inversamente, kontraste haat iha leten mós hatudu diskontinuidade. Ita-nia isin foun sei la hanesan ho sira ne’ebé dodok daudaun ne’ebé ita iha (agradese ba Nai).

Paulo la liga termu “espirituál” ho ezisténsia ne’ebé la iha materiál. Iha fatin seluk, nia hatete katak Jezús “sei transforma ita-nia isin ne’ebé ki’ik atu sai hanesan nia isin ne’ebé glória” (Fil. 3:21). Ita sei iha isin loloos, maibé sira sei la sai fraku ka dodok. Tanba buat hotu ne’ebé ita hatene agora maka deteriorasaun, moras, no mate, susar atu imajina moris lahó buat sira-ne’e, maibé ida-ne’e maka buat ne’ebé ita hetan promesa iha Jezús.

Oinsá maka garantia katak ita-nia isin sei transforma ba perfeisaun ajuda ita atu sai reziliente kona-ba ita-nia limitasaun fíziku sira ohin loron?

Kinta * 20 de Agostu

Vitória Ikus Hasoru Mate

Lee 1 Korinto 15:54–57. Saida maka pasajen ida-ne’e hateten mai ita kona-ba ita-nia vitória ikus hasoru mate?

Paulo hahú parágrafu ikus iha 1 Korintu 15 ho deklarasaun intrigante ida: “Isin no raan labele simu Maromak nia reinu nu’udar eransa” (1 Kor. 15:50). Ema barak neʼebé lee Bíblia uza deklarasaun neʼe atu hatete katak Paulo defende moris neʼebé la iha sasán iha lalehan. Maibé kontestu indika buat seluk.

Paralelizmu husi 1 Korinto 15:50 sujere katak “isin no raan” paralelu ho “korrupsaun”, hanesan “Maromak nia reinu” paralelu ho “inkorupsaun”. Hanesan akontese iha 1 Korintu 15:42–49, iha ne’e, mós, Paulo kontrasta isin agora (ka mate-isin) ho isin ne’ebé moris hi’as. Isin ne’ebé hakoi marka ho

korupsaun no mortalidade, enkuantu isin ne’ebé moris hi’as marka ho inkorupsaun no imortalidade (1 Kor. 15:50, 53, 54). Ho liafuan simples, Paulo hatete katak ita-nia isin presiza hetan transformasaun radikál atu bele hetan lalehan.

Ho liafuan badak, Paulo uza ideia sira kona-ba korrupsaun no mortalidade atu refere ba ita-nia natureza sala-na’in. Iha hakerek Judeu nian, “isin no raan” maka fraze ida ba umanidade ne’ebé monu, tanba ne’e maka ita-nia isin tenke transforma no hamoos hosi imperfeisaun hotu iha Nia fila-fali.

Só bainhira ita-nia natureza sala-na’in hasai tiha (1 Kor. 15:54) no ita liuhosi esperiénsia glorifikasaun nian (1 Kor. 15:51–53, 1 Tes. 4:13–17) maka proklamasaun “ ‘Mate tolan tiha ona iha vitória’ ” (1 Kor. 15:54) sei kumpre. Depois, sei hananu knananuk aten-barani no dezafiante ida-ne’e: ” ‘O Mate, Ita-boot nia sona iha ne’ebé? Oh Hades, Ita-boot nia vitória iha ne’ebé?'” (1 Kor. 15:55). Buat sira-ne’e hotu sei akontese iha Kristu nia mai daruak (1 Kor. 15:51, 52).

Hanoin took: ita taka ita nia matan iha mate, no buat tuir mai ita sei esperimenta mak Jesus nia mai daruak, wainhira Nia halo ita moris hias husi mate. La importa bainhira maka fiar-na’in ida mate, maski tinan rihun ba rihun liubá, “iha momentu ida, iha piska matan ida nia laran”, sira sei hetan moris-hi’as “iha trombeta ikus nian, tanba trombeta sei lian, no mate sira sei moris hi’as ho isin ne’ebé la dodok, no ita sei troka” (1 Cor. 15:52).

Sé maka la lamenta oinsá lalais moris liu ita? Iha ami nia esperiénsia rasik, ne’e maka oinsá lalais Jezús nia mai daruak sei parese. Karik ita-nia hanoin dahuluk iha Nia fila-fali sei sai “Wow, Na’i, Ita-boot nia mai lalais duni!” Oinsá maka ideia ida-ne’e ajuda ita atu simu di’ak liután saida maka haree hanesan “atrazu”?

Sexta * 21 de Agostu

Hanoin liután: Lee Ellen G. White, “God’s People Delivered,” pp. 635–652, in The Great Controversy.

“Kristu-nia divindade maka fiar-nain-nia garantia ba moris rohan-laek. ‘Ema ne’ebé fiar iha Ha’u,’ dehan Jezús, ‘maski-nia mate, nia sei moris: no sé de’it maka moris no fiar iha Ha’u sei la mate. Ó fiar ida-ne’e ka lae?’ Kristu iha ne’e hein ba tempu Ninia mai daruak nian. Tuirmai ema loos sira sei moris hias, no ema loos sira-ne’ebé moris no sei mate sei ba lalehan hodi la haree mate. 530.

“Rai nakdoko maka’as bainhira Maromak-nia Oan-nia lian bolu santu sira ne’ebé toba hela. Sira hatan ba bolun no sai mai ho hatais imortalidade glorioza, hodi hakilar: ‘Vitória, vitória, hasoru mate no rate! Oh mate, ó-nia sona iha ne’ebé? no sira ne’ebé moris hi’as hasa’e sira nia lian iha hakilar naruk ida vitória nian. Isin sira ne’ebé tun ba rate ho marka sira moras no mate nian mosu ho saúde no vigor ne’ebé la mate. neʼebé mate haketak ona sai unidade, nunka tan atu haketak malu.”—Ellen G. White, The Story of Redemption, pp. 411, 412.

Pergunta ba Diskusaun:

1. Hanoin kona-ba sira ne’ebé maka sai sasin ba Kristu-nia moris-hi’as (Aktus 1:22, Aktus 2:32, Aktus 3:15, Aktus 4:33, Apóstolu sira-nia hahalok 5:30–32). Oinsá ita bele, maizumenus tinan rihun rua hafoin akontesimentu ne’ebá, sai “sasin” sira ba Ninia moris-hias?

1. Kristu-nia moris-hi’as maka parte integrante ida hosi mensajen evanjellu nian (1 Kor. 15:1-4). La ho Moris-Hi’as, proklamasaun kona-ba Kristu-nia mate sei la relevante (1 Kor. 15:14). Kristu nia mate rasik sei la relevante. Tanba sá? Saida maka ita-boot nia resposta ba ida-ne’e hatete kona-ba Kristu nia moris-hias nia kbiit?
2. Hanoin uitoan kona-ba Paulo nia deklarasaun intrigante “Sé mate sira la moris hi’as, ‘Mai ita han no hemu, tanba aban ita mate!'” (1 Kor. 15:32). Saida maka pontu?
3. Iha klase, ko’alia kona-ba matebian nia estadu. Tanba saida maka 1 Korintu 15 laiha sentidu sé, bainhira mate, ema sira ne’ebé hetan salvasaun lori kedas ba lalehan?